Articulu 9 - Venneri u 23 d'aprile (Euskadi)

Venneri, ci hà ricevutu u merre di Balmaseda (7000 abitanti),vicinu à Guenes.Anch' ellu,ci hà parlatu di a messa in valore di u patrimoniu è si sentia ch'ellu era cuntentu

è fieru di presentacci a so cità.So 'sse duie cumune chi ci anu chjappu in carica per u dorme, u manghjà è tutte e visite di u prugramma.Facenu parte di una cumunità di 12 cumune chi impuntellate

à "l'agenda 21" gjunghjenu à tirà in u listessu sensu.Travaglianu inseme per fà chi e vie di u sviluppu ecunomicu,suciale è culturale di u so raghjone,

ponu apprufittà à tutti.

Incù Miren, chi travaglia à a merria ind'e u serviziu "prumuzione di a lingua è di a cultura basca",avemu visitatu una cità sculare tale quale à quella di Corti.

U pruvisore, u s'aghjuntu,l'intendante è dui prufessori ch'ùn contanu micca e so ore di travagliu,

ci anu fattu a presentazione di i trè mudelli d'amparera in Euskadi:- u mudellu A, tuttu hé insegnatu in spagnolu

- u mudellu B,hè tuttu in bislingu

- u mudellu D,hè tuttu in bascu

A maio parte di zitelli seguitanu u mudellu bislingu è i resultati so abbastanza boni in generale. Miren, ci hà fattu vede dino, u pianu di u

sviluppu di a lingua è a cultura di u guvernu autunoma.Hè bella simplice,tuttu hè fattu per facilità l'amparera in a sucietà:l'Educazione,e famiglie, l'associi culturali è spurtivi,

i centri privati d'amparera, e merrie, e pruvincie, e camere di cumerciu,...tutti so impegnati.

A sera ghjunta, avemu fattu festa tutti inseme incù Raùl,animatore culturale è spurtivu per a ghjuventù.Cusi s'hè compiu u nostru sugiornu in Euskadi,a mezu à canti,

balli è scaccanate in corsu,francese,spagnolu è bascu.

Ancu assai ch'aviamu madama Vernet,per facci capisce.Tuttu u longu di u viaghju ùn avemu trovu che ghjente ch'ella cuniscia è l'accogliu hè sempre statu di quelli.

Soca u so travagliu,a so simpatia è a so passione so cunisciuti aldilà e fruntiere di Corsica.

AG Luciani